20:45
Klervi hag Enora
A-ratoz-kaer evit ar festival eo bet savet un daouad berrbad gant Enora Coat ouzh ar violoñs ha Klervi Rouyer ouzh an delenn ! Seniñ a reont asembles tonioù hengounel kempennet diouzh o faltazi, en ur doueziañ piñsadennoù ha flouradennoù ar c’herdin.
Dizoleiñ
21:30 & 23:15
Kanon/Jereg
Daou gamarad sistret-mat refuzet deus bep a doull noz… Betek ma echufent o kanañ kan ha diskan ‘barzh unan un tamm digoretoc’h eget ar re all. Istor gwir pe ijinet ? Piv oar ! Lors Jereg hag Antoine Canon a zo daou gamarad er vuhez pemdez atav, ha divizet o deus sevel un daouad kan ha diskan da gas plijadur deoc’h gant pozioù souezhus ha testennoù na glever ket alies, dastumet e bro Antoine – sod gant ar c’han, an dañs hag an hengoun – pe ijinet e spered tord Lors – a vez gwelet aliesoc’h war ar rouedadoù eget er festoù-noz…
Dizoleiñ
21:45
Hamon Martin Quintet
Didostait da gleved Hamon Martin Quintet, un eured Hengoun, sonaozadur soutil ha birvilh an dañs. Pemp troad d’ar maout ‘mitio ? Tra ! Pa lavarer Pemp e Breizh Uhel e troer an diskouarn war-zu ar c’haner Mathieu Hamon gant e vouezh eus ar c’hondon, ar sonerien arroutet Erwan Hamon ha Janick Martin ambrouget gant lusk hesonius Ronan Pellen hag Erwan Volant…
Dizoleiñ
23:30
Tribe Brass Band
N’eo ket levezon ar funk an afrobeat hag ar rap az a da ober soubenn an tri zraig pa vez TBB war al leurenn ; ur strollad eizh sonner diwar batrom ar brass bands eus an Orleañs-Nevez. Awen tramor livet gant ar c’houevrennoù ha tonioù hengounel Breizh. Taolet didruez e vezot en dañs war-bouez dibarelezh ur son skeltr degaset gant nerzh garv ar maezhioù.
Dizoleiñ
Bilhederezh enlinenn
Mont e-barzh Fest-noz : 8€
Pass 2 zervezh Sonadegoù + Fest-noz (enlinenn hepken) : 15€